11.12.2019 Фондот за иновации и технолошки развој со финансиска поддршка на проектот ,,МИКРОЕКОˮ на Фармахем лабораторијата за животна средина

Фондот за иновации и технолошки развој, преку инструментот Кофинансирани грантови за комерцијализација на иновации, одобри финансиска поддршка на проектот ,,МИКРОЕКОˮ - иновативна технологија со примена на аеробни микроорганизми до помалку пестициди во почвите, во износ од 290.889,06 EUR.

Со реализацијата на проектот,,МИКРОЕКОˮ ќе се добијат во исто време иновативен производ и услуга. Предвидено е да се развие иновативна технологија со употреба на иновативен производ за третман со аеробни гранулирани микроорганизми врз почви загадени со пестициди. За квантификување на успешноста на производот, ќе се набави опрема и ќе се акредитираат методи за анализа на линдан во примероци од почва од страна на Фармахем Лабораторија за животна средина, која е акредитирана според стандардот ISO 17025 наменет за лаборатории за тестирање и калибрација.  Примената на производот ќе придонесе за решавање на проблемите со загадувањето на почвите, индустриското загадување, а со тоа и на загадувањето на подземните и површинските води, воздухот, како и на употребата на земјоделските производи кои директно влијаат врз здравјето на луѓето.

http://www.fitr.mk/